全港30大舔「利」茶记DINING娜

2020-06-18 979人围观 ,发现54个评论
(Presented by Ribena)

香港嘅茶记係我细个成日打趸嘅地方,对我嚟讲简直有一种致命嘅吸引力:唔会成日食,但隔咗排一定会挂住件西多士,甚至想即刻歎个常餐。伙计服务快、靓、正,简直能常人所不能,一双手臂摆满8碟饭;「係咪照旧?」当有日你食茶记听到呢句嘅时候,嗰种成功感非笔墨能形容,但绝对劲过你老细讚你今期条数跑得几好。当然仲有一堆食开先知掟嘅暗号:例水、打烂、箩柚、爆柠宾,够晒实际又唔啰嗦,正正就係我锺意去嘅原因。

喺茶记坐低,睇睇餐牌,你有大概10秒时间去谂今日lunch食咩好;8秒我会决定好食咩,其余2秒我会谂利宾纳要唔要柠檬,为忙咗成朝早嘅自己叉叉电。但传统茶记一间少过一间,到底边间至可以係食得至舔脷?Dining娜带你食匀全港30大必食茶记,梗有一间啱你口味。

识食汁控一族

咖哩汁、茄汁、黑椒汁、蒜蓉汁、洋葱汁……茶记食碟头饭,成也汁败也汁,个汁几乎掌控成个饭嘅味道。好嘅一个汁绝对可以为一间茶记添上光环,无限加分!全港30大舔「利」茶记DINING娜

    咖喱牛腩饭@和记餐厅 舔脷位:独特港式咖喱汁配软熟牛腩,正!云川茄子肉酱饭@素食分子 舔脷位:浓郁酱汁加软茄子,送饭一流!焗鲜蛋吉列猪扒饭@新口味餐厅 舔脷位:识食一定係刺穿蛋黄拌匀茄汁捞饭。匈牙利牛腩饭@好味屋 舔脷位:微辣带蔬菜嘅甜,唔会过咸。焗猪扒饭@新豪餐厅 舔脷位:够茄香得黎仲有食得出有细粒番茄。咖哩海鲜饭@2018煮场餐厅 舔脷位:咖哩偏甜,海鲜足料够新鲜。

全港30大舔「利」茶记DINING娜

唔驶急最紧要快,快得嚟又要好食,我谂除咗茶记真係冇咩地方可以俾到你呢种服务同质素。细细一张餐牌写过百种嘢食任係拣,千变万化嘅配搭,迎合每一个一齐食lunch嘅同事!

    云耳蒸鸡饭@名人饭堂 舔脷位:云耳吸收鸡汁,鸡肉嫩滑。烧春鸡(半只)@温莎堡 舔脷位:难得鸡皮脆嫩但keep到肉质唔鞋口。梅菜扣肉饭@多宝小厨 舔脷位:招牌菜鹹香适中,扣肉炆得软腍。芙蓉蛋饭@肥姐麻辣餐厅 舔脷位:煎到金黄色又冇散,而且好足料。沙拉骨配菠萝鸡粒炒饭@金家乐餐厅 舔脷位:炒饭够爽身!沙姜鸡饭@都好烧腊粉麵茶餐厅 舔脷位:姜汁同沙姜比例得宜,带些少酒香。盐焗鸡髀饭@小飞象美食 舔脷位:鸡皮香滑,软嫩又多汁。

全港30大舔「利」茶记DINING娜

讲起茶记点可以冇粉麵,通心粉、即食麵、米粉、河粉、粗麵……种类多到数唔晒;製法亦然,汤、乾炒、湿炒、煎、炸等等都有,点到你唔服,是但蹹都一定有得食。

    黑椒牛扒火腿意粉@正记粥麵茶餐厅 舔脷位:特盛份量,大食之选。海虾球喇沙@车仔年代 舔脷位:自家製喇沙汤底,香浓惹味。乾炒牛河@新宝餐厅 舔脷位:肉片好滑,每条河粉都均匀上「色」。猪扒薯仔麵@奇兴海鲜美食 舔脷位:大热韩国薯仔麵都有!星洲炒米@泰记餐厅小厨 舔脷位:大火快炒,够晒镬气。金牌八喜麵@靓靓车仔麵 舔脷位:成12款餸,啱晒乜都想试嘅人。烟三文鱼天使麵@ M立坊 舔脷位:姜汁同沙姜比例得宜,带些少酒香。茄汤螺丝粉午市套餐@祥裕茶餐厅 舔脷位:汤底浓郁,丰富午餐。

够钟3点3!歎个下午茶!

全港30大舔「利」茶记DINING娜

茶记最受欢迎嘅大热之选应该都係3点3嗰份high tea。童年回忆里面,放学求呀妈一定要去食嘅炸鸡脾薯条、猪扒沙律、西多士、飞碟,好似好易整,但其实样样都係功夫嘢,一唔小心,随时天堂变地狱。

    芝士牛角包配沙律@讚记 舔脷位:牛角包散发香浓牛油味。炸鸡髀西多士@溢骏餐厅 舔脷位:2大邪恶之首!飞碟三文治餐@新宝餐厅 舔脷位:脆卜卜,馅料劲多!酥炸鸡髀@讚记厨房 舔脷位:腌得好入味!吉列鱼柳配菠萝油@金翠茶餐厅 舔脷位:鱼柳加埋菠萝油,贪心之选!澳门猪扒包@新轩尼斯 舔脷位:猪扒鬆软唔痴牙。吉列猪扒配炸薯条@香港超级茶餐厅 舔脷位:猪扒keep到仲好多汁。鸡髀沙律@莱思廊餐厅 舔脷位:沙律用左特製酱汁,好味!公司三文治@日溢中西美食 舔脷位:最啱同朋友开心些牙。

全港30大舔「利」茶记DINING娜

做咗成日点都要抖抖,无论係午餐、high tea我都会拣饮杯少少甜嘅嘢饮,提提神返去要继续努力。而利宾纳蕴含100%天然纽西兰黑加侖子精华,充满丰富维他命C,足够每日摄取嘅营养素,有助钙质和铁质的吸收,人都精神爽利啲啦!由依家起至12月31日,喺上面30间精选茶餐厅食lunch或者下午茶,即刻可享免费转饮利宾纳,咪走宝啦喂!

不容错过